Da Starkbier-Sepp und da Märznbog-Maschdi
(Text & Melodie Brem & Wollmann)

Verse 1:
Grias eich, I bin da Starkbier-Sepp und I da Märznbog-Maschdi
Samma do richtig auf da Rohrdorfa Starkbierparty??
So bäualichs Voigg wia es, is eigndlich ned unsa Niveau
Mir vakean mied de echtn Stars, Bussi Schorschi und so

Verse 2:
Da Schorschi is ja fia uns a bissl a Idol
Mir sann wia er: Konto voi, de Rübe hohl
Mir ghean aa eindeutig zur A-Prominenz
Er griagd a Soap und mir deafn ins Dschunglcämp

Verse 3:
I gäh am liabsdn auf Partys, wia de, woe ned eiglohn bin
Mied meina Porno-Ledahosn binne bei de Girlies King
Siege an Kameraauflauf, setze mei Fotogrinsn auf
I schau fia jädn Deppn schee, posia sogar fias OVB


Chorus:
Mir sann so sexy, sexy, sexy, sann so schee
Girl I siegs in deine Aung du duasd auf mi steh
Äh Bunny, Bunny mäggsd ned miedgeh
I nimm di mied in mei Separè
Mir hamm so vui Gäid, Gäid, Gäid o mei o mei
Wemma wos ned griang na kaff mas hoid ei
Mir sann zwar bläd, bläd, so bläd des seng ma ei
Doch liaba dumm wia Strah und dafia Gäid wia Hei


Verse 4:
Und mir sann aa erfolgreiche Bauunternehma,
Wennsd fia uns arbadsd brauchsd aussa Russisch ned vui kenna
A da Stund griagsd na immahin 3€ zoid
Dafia deafsd Asbestbladdn vagromm draussd im Woid

Verse 5:
Wemma ned grod champagnertruckne Interviews lalln
Bau ma aa gern moi ned genehmigte Lagahalln
Dass ma ned weid geh muas, is im erstn Stog a Separè drinn
Weil wemma lang gähn chäggan de Chiggs wos I fia Droddl bin

Verse 6:
Brauchds ned moana, dasse de zoi oda gar erpress,
Dass de Mädls auf uns fliang is a chemischa Prozess
Weil I gib grod hoaße Luffd vo mir und de Mädl
Mied dene I vakehr, hamm aa nur Scheaß im Schädl


Chorus:
Wia vorher!!